Bombardohet kisha ortodokse e shek. 12-të greke në Gaza, në mesin e të vdekurve 18 palestinezë të krishterë
20 Tetor 2023
Një sulm ajror izraelit ka vrarë dhe plagosur një “numër të madh” njerëzish të zhvendosur dhe të strehuar në një kompleks kishe në Gaza, sipas ministrisë së brendshme të enklavës palestineze të rrethuar.
Sulmi la një “numër të madh martirësh dhe të plagosur” në kompleksin e kishës ortodokse greke të Shën Porfirit në qytetin e Gazës, tha ministria të enjten mbrëma. Zyra për media e qeverisë së Gazës, e drejtuar nga Hamasi, raportoi të premten se 18 palestinezë të krishterë ishin në mesin e të vdekurve.
Dëshmitarët i thanë agjencisë së lajmeve AFP se sulmi ajror duket se kishte për qëllim një objektiv afër vendit të adhurimit të shekullit të 12-të, ku shumë banorë të krishterë dhe myslimanë të Gazës ishin strehuar ndërsa lufta ka shpërthyer në enklavë.
Ushtria izraelite i tha AFP se avionët e saj luftarakë kishin goditur një qendër komandimi dhe kontrolli të përfshirë në lëshimin e raketave dhe mortajave drejt Izraelit. “Si rezultat i sulmit të IDF [ushtrisë izraelite], një mur i një kishe në zonë u dëmtua,” tha ai, duke shtuar “ne jemi në dijeni të raporteve për viktima.
Ngjarja është nën hetim.” Dëshmitarët thanë se sulmi dëmtoi fasadën e kishës dhe shkaktoi shembjen e një ndërtese ngjitur, duke shtuar se shumë njerëz të lënduar u evakuuan në spital.